RSS

കോളേജ് ഡേ ( കളമശ്ശേരി പോളിടെക്നിക്) 2008

12 Dec
ഫൈനല്‍ ഇയര്‍ ലെ ഒരു മനോഹരമായ കോളേജ് ഡേ.. ഇത്തവണ കോളേജ് ഡേയ്ക്ക് ഒരു പ്രത്യേകത ഉണ്ട്. നമ്മടെ ടീമിന്റെ സിനിമാറ്റിക് ഡാന്‍സ് ഉണ്ട്. എല്ലാവരും ആദ്യമായാണ് ഈ രംഗത്ത് ഒന്ന് പയറ്റാന്‍ ഇറങ്ങുന്നത്.  ഡാന്‍സിന്റെ റിഹെഴ്സല്‍ പണി നടത്തുന്നത് ഞങ്ങള്‍ താമസിച്ചു കൊണ്ടിരുന്ന റൂമിന്റെ ടെറസില്‍ ആണ്. ഒരാഴ്ചയായി നടക്കുന്ന ശക്തിയേറിയ റിഹെഴ്സല്‍ .ആശാന്റെ ശിക്ഷണത്തില്‍ പിള്ളേര്‍ നന്നായി കളിച്ചു വരുന്നുണ്ട്.
നമ്മടെ റൂമിന്റെ ഓണറും ആയി അത്ര നല്ല രസത്തിലല്ലായിരുന്നു ഞങ്ങള്‍. കാരണം എന്തെന്നാല്‍ മൂന്നു പേര്‍ക്ക് തന്നിട്ടുള്ള റൂമില്‍ മുപ്പതു പേര്‍ എങ്കിലും ഉണ്ടാകും, അത് കൂടാതെ വെള്ളമടി വേറെ.. അങ്ങനെ ഞങ്ങളെ കൊണ്ട് പൊറുതിമുട്ടി അങ്ങേരു റൂമിലേക്കുള്ള വാട്ടര്‍ കണക്ഷന്‍ കട്ട്‌ ചെയ്തു. അതിനുള്ള മറുപടി എന്നോണം ആയിരുന്നു ഞങ്ങള്‍ ആ പണി ഒപ്പിച്ചത്…
വാട്ടര്‍ ടാങ്കില്‍ മൂത്രം ഒഴിക്കുക…..

ഞങ്ങള്‍ക്കോ വെള്ളം തരുന്നില്ലാ, അന്നാ ഇവനൊക്കെ മൂത്രം കുടിച്ചാ മതി.   ഡാന്‍സ് പ്രാക്ടീസിന്റെ ഇടയില്‍ കിട്ടുന്ന അവസരങ്ങള്‍ എല്ലാം ഞങ്ങള്‍ മുതലാക്കി…..ഒന്നല്ലാ …പലവട്ടം… അവസാനം ടാങ്കില്‍ വെള്ളത്തലും   കൂടുതല്‍ മൂത്രം എന്ന അവസ്ഥ ആയി. ഈ ടാങ്കിലെ വെള്ളം ഉപയോഗിച്ചാണ് താഴെ കടയില്‍ സര്‍ബത്ത്‌ ഉണ്ടാക്കുന്നത്.  അങ്ങനെ എത്രയോ ആളുകള്‍ സര്‍ബത്തിന്റെ രൂപത്തില്‍ മൂത്രം കുടിച്ചു…

കോളേജ് ഡേ പ്രഭാതം…
വെള്ളമടിയില്ലാത്ത കോളേജ് ഡേ ഉണ്ടോ…എവടെ… സാധനം രാവിലെ തന്നെ റൂമില്‍ എത്തിച്ചു. കുറച്ചു പേര്‍ രാവിലെ തന്നെ അടിച്ചു പാമ്പായി. മറ്റു ചിലര്‍ തിരക്ക് കഴിയാന്‍ നോക്കിയിരുന്നു.

പരിപാടി തുടങ്ങി . സ്വാഗതം, അധ്യക്ഷപ്രസംഗം,ആശംസ,….ഹം..കലാപരിപാടികളും എത്തി….ഒരു വിധത്തില്‍ ഞങ്ങളുടെ സിനിമാറ്റിക് ഡാന്‍സ് എന്ന ആ മനോഹരമായ കലപ്രകടനവും കഴിഞ്ഞു. തരക്കേടില്ല എന്ന് പലരും പറഞ്ഞു. അപ്പൊ പിന്നെ കുറച്ചു ജാഡ ഒക്കെ ആകാം…
ഈ തിരക്കെല്ലാം കഴിഞ്ഞു റൂമില്‍ ചെന്നപ്പോള്‍ റൂമിലാകെ പാമ്പുകള്‍. ഒന്നും രണ്ടും അല്ലാ..ഒരു പത്തു പതിനാറെണ്ണം..വെറും നീര്‍ക്കോലിയോ ചേരയോ അല്ല…. എല്ലാം നല്ല ഒന്നാന്തരം കൊടിയ വിഷമുള്ളവ..ചിലത് നിലത്ത് കിടക്കുന്നു, ചിലത് കട്ടിലില്‍..മറ്റു ചിലത് ഇഴയുന്നു..
താഴെ കടയിലെ സര്‍ബതിന്റെ ടേസ്റ്റ് നന്നായി മാറി..ആളുകള്‍ ഓരോന്ന് പറഞ്ഞും തുടങ്ങി…. കാര്യം പിടികിട്ടി…വെള്ളത്തില്‍ മൂത്രം….ആരാണെന്നും പിടികിട്ടി..അങ്ങനെ ഒന്ന് രണ്ടു ആഴ്ചയായി തുടരുന്ന ടാങ്കില്‍ മൂത്രം ഒഴിക്കല്‍ പരിപാടിക്ക് ഇന്ന് വിരാമം കുറികുകയാണ്. ഇടി കിട്ടാന്‍ ഇനി ഇതിലും നല്ല റീസണ്‍ വേണോ….

പതിനാറോളം വരുന്ന പാമ്പുകള്‍ വിഹരിക്കുന്ന റൂമിലേക്ക്‌ പത്തോളം വരുന്ന എന്തിനും തയാറായ കാട്ടാളന്മാര്‍ പാഞ്ഞടുത്തു വന്നു. തലമൂത്ത ഒരു കാട്ടാളന്‍ മാത്രം റൂമില്‍ കയറി വാതിലടച്ചു. പിന്നെ ഒരു ചോദ്യം….
ആരാടാ ടാങ്കില്‍ മൂത്രം ഒഴിച്ചത്….???
എന്ത് പറയണം എന്നറിയാതെ പത്തി താഴ്ത്തി പാമ്പുകള്‍ പരസ്പരം നോക്കി…. പിന്നെ എല്ലാം മിന്നല്‍ വേഗത്തില്‍ ആയിരുന്നു..കണ്ണില്‍ കണ്ട പാമ്പുകളെയെല്ലാം ആ കാട്ടാളന്‍ തലങ്ങും വിലങ്ങും തല്ലി.. തിരിച്ചു കൊത്തുവാന്‍ പോയിട്ട് പത്തി വിടര്‍ത്തി കാട്ടാളനെ ഒന്ന് പേടിപ്പിക്കാന്‍ പോലും കഴിയാത്ത വിധം പാമ്പുകളുടെ ശരീരത്തില്‍ മദ്യം നിറഞ്ഞിരുന്നു.  ഇടക്കെപ്പോഴോ കാട്ടാളന്റെ കയ്യില്‍ ഒരു ക്രിക്കറ്റ്‌ ബാറ്റും കിട്ടി… വീണ്ടും വീണ്ടും തല്ലി. ഞങ്ങള്‍ നിന്ന് തല്ലു മേടിക്കുകയാണ്..എന്റെ ഓര്‍മ ശരിയാണെങ്കില്‍ ഞങ്ങള്‍ പതിനാറു പേരെ ആ ഒരാള്‍ തന്നെ ആണ് തല്ലിച്ചതച്ചത്.ഒരൊറ്റ അടി പോലും തിരിച്ചു കൊടുക്കാന്‍ ആയില്ലാ. അടികൊണ്ടു പലരും പല വഴിക്ക് ഓടി. ഉടുതുണി പോലും ഇല്ലാതെ ജീവനും കൊണ്ടു പാഞ്ഞവരും ഉണ്ടായിരുന്നു.  
പ്രശ്നം ഒന്ന് തണുത്തു വന്നപ്പോള്‍ ആണ് റോഡിലൂടെ പോയ ഒരുത്തന്റെ വക ഒരു ചോദ്യം….
എന്തിനാ നിങ്ങള്‍ ഈ പിള്ളേരെ ഇട്ടു തല്ലുന്നത്…? എന്തേലും കാര്യം ഉണ്ടേല്‍ പോലീസില്‍ പരാതി കൊടുക്ക്‌…..
ഇത് കേട്ട കാട്ടാളന്‍, അത് ചോദിക്കാന്‍ നീ ആരാടാ എന്നും പറഞ്ഞു അവനെ ഒന്ന് പൊട്ടിച്ചു…ഒന്നും മിണ്ടാതെ അവന്‍ പോയി.
ഒരു പത്തു മിനിറ്റ് പോലും കഴിഞ്ഞില്ല…അതിനും മുമ്പേ ദേ വരുന്നു അഞ്ചു പത്തു ബൈക്കുകളില്‍  വടികളും മറ്റുമായി കുറെ പേര്‍…അതും എന്തിനും പോന്ന ടീമുകള്‍. ആദ്യം തല്ലും കൊണ്ടു പോയ ആ പയ്യന്‍ അവിടുത്തെ ഒരു നല്ല തല്ലു ടീമില്‍ ഉള്ളവനാര്‍ന്നു. അവന്റെ ആളുകള്‍ ആണ് ഈ വന്നിരിക്കുന്നത്. പിന്നെ പൂര അടിയായി..അടിയോടടി… ഞങ്ങളില്‍ തുടങ്ങിയ കേസ് ഇപോ ദേ ആകെ വഷളായി.. അടി തെരുവിലേക്ക് നീങ്ങി. വണ്ടികള്‍ ബ്ലോക്കായി..അവസാനം ഹൈവേ പോലീസ് വന്നു കുറച്ചു പേരെ കൊണ്ടു പോയി… സംഗതി നമ്മുടെ കയ്യില്‍ നിന്നും പോയി എന്ന് മനസ്സിലാകിയ ഞങ്ങള്‍ ഉള്ള ജീവനും കൊണ്ടു അവിടുന്ന് മുങ്ങി..
പിന്നെ എല്ലാം പെട്ടെന്നാര്‍ന്നു..ആശുപതി…ഡോക്ടര്‍മാര്‍….കേസ്……പോലീസ്സ്റ്റേഷന്‍….
അവസാനം പോലീസ്സ്റ്റേഷനില്‍ വച്ച് ഒരു ഒത്തുതീര്‍പ്പ്…എന്നിരുന്നാലും പോലീസിന്റെ വക കുറച്ചു തെറി, ഭീഷണി, ഇതൊക്കെ സഹിക്കേണ്ടി വന്നു..
ഇടക്കെപ്പോഴോ എസ്‌ ഐ പറഞ്ഞു…..
ഇവന്മാരെ അങ്ങനെ വിട്ടാല്‍ ശരിയാകില്ല…കുടിവെള്ളത്തില്‍ ആണ് ഇവന്മ്മാര്‍ മൂത്രം ഒഴിച്ചത്…പത്രക്കാരെ വിളിക്ക്…ഫോട്ടോ എടുപ്പിക്കു

പിന്നെ എങ്ങിനെയൊക്കെയോ എല്ലാം തീര്‍ന്നു….ബാക്കിയായത് ശരീരത്തിലെ ചതവുകളും മുറിവുകളും മാത്രം….

ജലം അമൂല്യമാണ്…അത് പാഴാക്കരുത്…മലിനമാക്കരുത്……..

Advertisements
 
 

3 responses to “കോളേജ് ഡേ ( കളമശ്ശേരി പോളിടെക്നിക്) 2008

  1. dhanesh vs

    December 13, 2011 at 8.24 p12

    annu bat kond adi konda sandeep nte kay odinjath manasilayath 2 masam munpanu p-ne barc il joli kittiyath karanam avar athinte chilav koduthu…..!!!!!!!

     
  2. vishnu k thampi

    December 23, 2011 at 8.24 p12

    ethavanayum mime enne rakshichu…..

     
  3. kothiyan

    February 2, 2012 at 8.24 p02

    hm…..

     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: